Nofel gyfoes a chignoeth am deulu yng nghefn gwlad Cymru yn wynebu newid wedi i'r mab ddod â'i wraig newydd adref.

Dyma stori teulu yng nghefn gwlad Cymru – tad a mab yn y presennol, ac atgofion un o fenywod y teulu o’r gorffennol. Mae Morgan a Rhys yn cael bywyd yn anodd ac maent yn byw yn unig iawn. Ble mae dyn i gael cysur? Ond mae deinamig y teulu’n newid yn ffrwydrol pan ddaw Rhys â gwraig ifanc adre gydag e. Does neb yn gwybod o ble daeth hi, a dyw hi’n gwybod dim am Gymru, y Gymraeg a bywyd gwledig. Mae byd cefn gwlad yn newid o’r tu mewn allan, a does dim cuddio rhag caledi’r gwir.